ರೆಡ್ ಅಲರ್ಟ | ಕದ್ರಾ-ಬೊಮ್ಮನಳ್ಳಿಯಲ್ಲಿ ಅಣೆಕಟ್ಟಿನಿಂದ ಹೊರಬಂದ ನೀರು: ಗೇರುಸೊಪ್ಪ ಅಣೆಕಟ್ಟಿನ ಸ್ಥಿತಿ ಏನು?

ಉತ್ತರ ಕನ್ನಡ ಜಿಲ್ಲೆಯ ಕಾಳಿ ಜಲಾನಯನ ಪ್ರದೇಶದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಮಳೆಯಾಗುತ್ತಿದೆ. ಹೀಗಾಗಿ ಕಾರವಾರದ ಕದ್ರಾ ಹಾಗೂ ದಾಂಡೇಲಿಯ ಬೊಮ್ಮನಳ್ಳಿ ಜಲಾಶಯದಲ್ಲಿ ಸಂಗ್ರಹಿಸಿದ್ದ ಹೆಚ್ಚುವರಿ ನೀರನ್ನು ಅಣೆಕಟ್ಟು ಮೂಲಕ ಹೊರ ಬಿಡಲಾಗಿದೆ.

Advertisement. Scroll to continue reading.

ADVERTISEMENT

ಬೊಮ್ಮನಳ್ಳಿ ಜಲಾಶಯದ ಗರಿಷ್ಠ ನೀರಿನ ಮಟ್ಟ 438ಮೀಟರ್ ಆಗಿದ್ದು, ಸದ್ಯ ನೀರಿನ ಮಟ್ಟ 436.79 ಮೀಟರ್ ತಲುಪಿದೆ. ಈ ಹಿನ್ನಲೆ ಅಣೆಕಟ್ಟಿನ ಸುರಕ್ಷತೆಗಾಗಿ ಮಂಗಳವಾರ ಮಧ್ಯಾಹ್ನ ನೀರು ಹೊಡಬಿಡಲಾಗಿದೆ. ಕದ್ರಾ ಅಣೆಕಟ್ಟಿನ ಗರಿಷ್ಟ ನೀರಿನ ಮಟ್ಟ 34.50 ಮೀಟರ್ ಆಗಿದ್ದು, ಮಂಗಳವಾರ ಬೆಳಗ್ಗೆ 30 ಮೀಟರ್ ನೀರು ತುಂಬಿತ್ತು. ಮಧ್ಯಾಹ್ನ ನೀರಿನ ಪ್ರಮಾಣ ಏರಿಕೆ ಆಗಿದ್ದರಿಂದ ಅಲ್ಲಿಯೂ ನೀರು ಹೊರಬಿಡಲಾಗಿದೆ.

ADVERTISEMENT

ಹೊನ್ನಾವರದ ಗೇರುಸೊಪ್ಪ ಅಣೆಕಟ್ಟು ಪ್ರದೇಶದಲ್ಲಿ ಸಹ ನೀರಿನ ಮಟ್ಟ ಏರಿಕೆಯಾಗುತ್ತಿದೆ. ಹೀಗಾಗಿ ಜಿಲ್ಲಾಡಳಿತ ಅಲ್ಲಿಯೂ ನಿಗಾವಹಿಸಿದೆ. ಜನರ ಸುರಕ್ಷತೆಗಾಗಿ ಜಿಲ್ಲಾಡಳಿತ ಕಾಳಜಿ ಕೇಂದ್ರಗಳನ್ನು ತೆಗೆದಿದೆ. ಹವಾಮಾನ ಇಲಾಖೆ ಮಾಹಿತಿ ಪ್ರಕಾರ ಅಗಸ್ಟ 19ರ ಬೆಳಗ್ಗೆಯವರೆಗೆ ರೆಡ್ ಅಲರ್ಟ ಇರಲಿದ್ದು, ಅದಾದ ನಂತರ ಮಳೆ ಕಡಿಮೆಯಾಗುವ ಸಾಧ್ಯತೆಯಿದೆ.
ಗೇರುಸೊಪ್ಪ ಅಣೆಕಟ್ಟು ಹಾಗೂ ರೆಡ್ ಅಲರ್ಟ ಕುರಿತು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಮಾಹಿತಿ ನೀಡಿದ ವಿಡಿಯೋ ಇಲ್ಲಿ ನೋಡಿ..