ಹಳಿಯಾಳ:
ಪಟ್ಟಣದ ತಾಲೂಕ ಆಡಳಿತ ಸೌದದ ಸಭಾಭವನದಲ್ಲಿ ಶುಕ್ರವಾರಂದು ಜಿಲ್ಲಾಧಿಕಾರಿ ಡಾ, ಲಕ್ಷ್ಮಿ ಪ್ರಿಯಾ ನೇತೃತ್ವದಲ್ಲಿ ಕಬ್ಬು ಬೆಳೆಗಾರರ ಹಾಗೂ ಪಟ್ಟಣದ ಈ ಐ ಡಿ ಪ್ಯಾರಿ ಸಕ್ಕರೆ ಕಾರ್ಖಾನೆಯವರ ಜೊತೆ ಕಬ್ಬಿಗೆ ಎಪ್ ಆರ್ ಪಿ ದರ ನಿಗದಿಪಡಿಸುವಂತೆ ಸಭೆ ನಡೆಸಿದರು.
ಜಿಲ್ಲಾಧಿಕಾರಿ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ರೈತರು ಬೆಳೆದ ಕಬ್ಬಿಗೆ ಎಫ್ ಆರ್ ಪಿ ದರ ನಿಗದಿಪಡಿಸುವಂತೆ ರೈತರು ಜಿಲ್ಲಾಧಿಕಾರಿಯವರಿಗೆ ಮನವಿ ಮಾಡಿದ್ದರು, ಅದರಂತೆ ಅವರು ಇಂದು ಹಳಿಯಾಳ ಪಟ್ಟಣಕ್ಕೆ ಆಗಮಿಸಿ ತಾಲೂಕ ಆಡಳಿತ ಸಭಾಭವನದಲ್ಲಿ ರೈತರ ಹಾಗೂ ಕಾರ್ಖಾನೆಯವರ ಜೊತೆಸಭೆ ನಡೆಸಿ , ರೈತರ ಸಮಸ್ಯೆಗಳನ್ನು ಆಲಿಸಿ, ಈ ಐ ಡಿ ಪ್ಯಾರಿ ಸಕ್ಕರೆ ಕಾರ್ಖಾನೆಯವರ ಜೊತೆ ಕಬ್ಬಿನ ದರದ ಕುರಿತು ಆಡಳಿತ ಮಂಡಳಿಯವರ ಜೋತೆ ಎರಡು ಗಂಟೆಗೂ ಹೆಚ್ಚು ಕಾಲ ಸಭೆ ನಡೆಸಿ ರೈತರಿಗೆ ಯಾವುದೇ ರೀತಿ ಅನ್ಯಾಯವಾಗದಂತೆ ಅವರ ನ್ಯಾಯೋಚಿತ ಬೇಡಿಕೆ ಈಡೇರಿಸುವಂತೆ ಕಾರ್ಖಾನೆಯ ಆಡಳಿತ ವಿಭಾಗದವರ ಜೊತೆ ಚರ್ಚಿಸಿ , ರೈತರು ಬೆಳೆದ ಕಬ್ಬಿಗೆ ಎಪ್ ಆರ್ ಪಿ ದರವನ್ನು ರೈತರ ಹಾಗೂ ಕಾರ್ಖಾನೆ ಮಂಡಳಿಯ ಸಮ್ಮುಖದಲ್ಲಿಯೇ 3200 ರೂಪಾಯಿ ನಿಗದಿಪಡಿಸಿ ರೈತರ ಮುಖದಲ್ಲಿ ಮಂದಹಾಸ ಅರಳಿಸಿದರು.
ಕಳೆದ ಒಂದು ವಾರದಿಂದ ರೈತರು ಪ್ರತಿಭಟನೆ ಕೈಗೊಂಡಿರುತ್ತೀರಿ, ಜಿಲ್ಲಾಧಿಕಾರಿಯ ನಿರ್ದೇಶನದಂತೆ ಪ್ರತಿಭಟನೆಯನ್ನು ಸ್ಥಗಿತಗೊಳಿಸಿದ್ದರು.
ಆದರೆ ಇಂದು ಜಿಲ್ಲಾಧಿಕಾರಿಯವರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಡಾ, ಲಕ್ಷ್ಮಿ ಪ್ರಿಯ ಅವರು ಮಾತನಾಡಿ ರೈತರು ಬೆಳೆದ ಕಬ್ಬನ್ನು ಇಲ್ಲಿಯ ಸಕ್ಕರೆಕಾರ್ಖಾನೆಗೆ, ನೀಡಬೇಕು, ಹಾಗೆಯೇ ಬೇರೆ ಯಾವುದೇ ಕಾರ್ಖಾನೆಗೆ ಇಲ್ಲಿಯ ಕಬ್ಬನ್ನು ಕಟಾವ್ ಮಾಡಿ ಸಾಗಿಸಬಾರದು ನಮ್ಮ ಭರವಸೆಯನ್ನು ಮುರಿಯಬೇಡಿ ಕಾರ್ಖಾನೆ ಅವರಿಗೂ ತಾಲೂಕಿನಲ್ಲಿ ಬೆಳೆದ ಕಬ್ಬಿನಿಂದ ಉತ್ತಮ ಲಾಭವಾಗಲಿ, ಕಾರ್ಖಾನೆ ಹಾಗೂ ರೈತರ ಬಾಂಧವ್ಯ ಉತ್ತಮ ರೀತಿಯಿಂದ ಕೂಡಿರಲಿ ಮತ್ತು ನವೆಂಬರ್ ಒಂದರಿಂದ ಕಾರ್ಖಾನೆಗೆ, ಶುಭಾರಂಭವಾಗಲಿ ಎಂದರು .
ಈ ಸಂದರ್ಭದಲ್ಲಿ ಮಾಜಿ ಶಾಸಕ ಸುನಿಲ್ ಹೆಗಡೆ , ಮಾಜಿ ವಿಧಾನ ಪರಿಷತ್ ಸದಸ್ಯ ಎಸ್ ಎಲ್ ಘೋಟ್ನೆಕರ್ ರವರು ಇಂದು ನಡೆದ ಸಭೆಯಲ್ಲಿ ರೈತರ ಬೆಂಬಲಿಗರಾಗಿ ಭಾಗಿಯಾಗಿದ್ದರು. ಮಾತನಾಡಿದ ಅವರು ರೈತರ ನ್ಯಾಯೋಚಿತ ಬೇಡಿಕೆಯನ್ನು ಇಂದು ತಮ್ಮ ಮಧ್ಯಸ್ಥಿಕೆಯಲ್ಲಿ ನಿರ್ಣಯವಾಗಬೇಕೆಂದು ಜಿಲ್ಲಾಧಿಕಾರಿಯವರಿಗೆ ಒತ್ತಾಯಿಸಿದರು. ಅದೇ ರೀತಿ ಜಿಲ್ಲಾಧಿಕಾರಿಯವರು ಕಾರ್ಖಾನೆಯವರ ಜೊತೆ ಚರ್ಚೆ ನಡೆಸಿ ರೈತರ ನ್ಯಾಯಯುತ ಬೇಡಿಕೆಯನ್ನು ಈಡೇರಿಸುವಲ್ಲಿ ಸಫಲರಾದರು.
ಈ ಸಂದರ್ಭದಲ್ಲಿ ರೈತ ಸಂಘಟನೆ ವತಿಯಿಂದ ಜಿಲ್ಲಾಧಿಕಾರಿಯವರಿಗೆ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯಾದ. ಎಂ ಎನ್ ದಿಪನ, ಹಳಿಯಾಳ ತಹಶೀಲ್ದಾರ್ ಫಿರೋಜ್ ಷಾ ಸೋಮನಕಟ್ಟಿ, ಜಂಟಿ ನಿರ್ದೇಶಕರು ಆಹಾರ ಇಲಾಖೆ ಧಾರವಾಡವಿನೋದ ಕುಮಾರ್ ಹೆಗ್ಗಳಗಿ , ಕಲಘಟಗಿ ತಹಶೀಲ್ದಾರರು , ಸಕ್ಕರೆ ಕಾರ್ಖಾನೆ ಆಡಳಿತ ವಿಭಾಗದವರು, ರೈತ ಮುಖಂಡರಾದ ಪರಶುರಾಮ್ ಎತ್ತಿನ ಗುಡ್, ಮಹೇಶ್ ಬೆಳಗಾಂವ ಕರ, ಉಳುವಪ್ಪಾ ಬಳಗೇರ್, ವಸಂತ ಡಾಕಪ್ಪನವರ್, ಬಸನಗೌಡ ಸಿದ್ದನಗೌಡರ ನಾಗೇಂದ್ರ ಜೀವೋಜಿ , ಕುಮಾರ ಬೊಬಾಟಿ, ಬಲಿರಾಮ್ ಮೋರೆ, ರಾಮದಾಸ್ ಬೆಳಗಾಂಕರ್, ಪ್ರಕಾಶ್ ಪಾಕ್ರೆ, ಅಶೋಕ ಮೇಟಿ ಹಾಗೂ ರೈತರು ಭಾಗಿಯಾಗಿದ್ದರು.
