ಕಾರವಾರ:
ಅರಬ್ಬೀ ಸಮುದ್ರದ ನೀಲಿ ಅಲೆಗಳ ಮಧ್ಯೆ ಕಾರವಾರ ಕರಾವಳಿಯಲ್ಲಿ ಮತ್ತೆ ತಾರ್ಲೆ ಮೀನಿನ ಸುಗ್ಗಿ ಆರಂಭವಾಗಿದೆ.
ಹಲವು ವಾರಗಳ ನಿರೀಕ್ಷೆಯ ನಂತರ ತಾರ್ಲೆ (ತೊರೆಮೀನು) ಬೇಟೆ ಆರಂಭವಾಗಿದ್ದು, ಮೀನುಗಾರರ ಮುಖದಲ್ಲಿ ಸಂತೋಷದ ನಗು ಮೂಡಿದೆ. ಕಾರವಾರ, ಬೆಲೇಕೇರಿ, ಮುದುಗಾ ಸೇರಿದಂತೆ ಜಿಲ್ಲೆಯ ಪ್ರಮುಖ ಬಂದರುಗಳಲ್ಲಿ ಸೋಮವಾರ ಬೋಟುಗಳು ತಾರ್ಲೆ ಮೀನುಗಳಿಂದ ತುಂಬಿ ಬಂದಿದ್ದು, ಬಂದರು ಪ್ರದೇಶಗಳಲ್ಲಿ ಹಬ್ಬದಂತ ವಾತಾವರಣ ನಿರ್ಮಾಣವಾಗಿದೆ. ಮೀನುಗಾರರು ಬೀಸಿದ್ದ ಬಲೆಯ ತುಂಬೆಲ್ಲಾ ತಾರ್ಲೆ ಮೀನುಗಳು ಸಿಕ್ಕಿದು ಮೀನಿಗಾರರು ಹರ್ಷದಿಂದ ಬಲೆ ಎಳೆಯುವ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿವೆ.
“ಹಲವು ದಿನಗಳಿಂದ ಕೈ ಖಾಲಿ ಆಗುತ್ತಿದ್ದೆವು, ಈಗ ತಾರ್ಲೆ ಸಿಕ್ಕಿದೆ – ಮನಸ್ಸಿಗೆ ನೆಮ್ಮದಿ ಸಿಕ್ಕಂತಾಗಿದೆ,” ಎಂದು ಸಂತೋಷ ಮೀನುಗಾರರು ಸಂತಸ ವ್ಯಕ್ತಪಡಿಸಿದ್ದಾರೆ.
