ಹಳಿಯಾಳ:
ರಾಜ್ಯ ಸರಕಾರವು ಕಬ್ಬಿನ ಬೆಲೆ 3.300/- ನಿಗದಿ ಮಾಡಿದ್ದು ಅದು ಹಳಿಯಾಳದ ಇ.ಐ.ಡಿ ಪ್ಯಾರಿಗೆ ಕಳುಹಿಸುವ ರೈತರಿಗೆ ಅನ್ವಯವಾಗುವ ನಿಟ್ಟಿನಲ್ಲಿ ಪ್ರಯತ್ನಿಸಬೇಕೆಂದು ಮಾಜಿ ಶಾಸಕರಾದ ಸನ್ಮಾನ್ಯ ಶ್ರೀ ಸುನಿಲ್ ಹೆಗಡೆ ರವರ ನೇತೃತ್ವದಲ್ಲಿ ಮಂಡಲ ಅಧ್ಯಕ್ಷರಾದ ಶ್ರೀ ವಿಠ್ಠಲ ಸಿದ್ದನ್ನವರ ರವರ ಉಪಸ್ಥಿತಿಯಲ್ಲಿ ಹಳಿಯಾಳದ ಮಾನ್ಯ ತಹಶೀಲ್ದಾರ್ ರವರಿಗೆ ಇಂದು ಮನವಿ ಸಲ್ಲಿಸಿದರು.
ಹಳಿಯಾಳ ತಾಲೂಕಿನ ತಹಶೀಲ್ದಾರ ಕಛೇರಿ ಮುಂದೆ ಕಬ್ಬು ಬೆಳೆಗಾರರು ಮತ್ತು ಮಾಜಿ ಶಾಸಕರು ನೇತೃತ್ವದಲ್ಲಿ ರೈತರಿಂದ ಬೃಹತ ಪ್ರತಿಭಟನೆ ಆಗಿದ್ದು ಆಗ ಜಿಲ್ಲಾಧಿಕಾರಿ ಮತ್ತು ತಹಶೀಲ್ದಾರ ರವರು ಮಧ್ಯಸ್ಥಿಕೆ ವಹಿಸಿ ರೈತರಿಗೆ ಕಬ್ಬಿನ ಬೆಲೆ ರೂ. 3,200/- ನಿಗದಿ ಮಾಡಿ ಆ ಒಂದು ಪ್ರತಿಭಟನೆಗೆ ವಿರಾಮ ನೀಡಿದರು. ಈಗ ಬೆಳಗಾವಿಯಲ್ಲಿ ನಡೆದ ರೈತರ ಪ್ರತಿಭಟನೆಯಲ್ಲಿ ಇಡೀ ರಾಜ್ಯಾದ್ಯಾಂತ ರಿಕವರಿ 11.25 ಕ್ಕೆ ಬೆಲೆ ರೂ. 3.250/- ಸಕ್ಕರೆ ಕಾರ್ಖಾನೆಯವರು ಹಾಗೂ ರಾಜ್ಯ ಸರ್ಕಾರದಿಂದ 50/- ರೂ ಎಂದು ರಾಜ್ಯ ಸರ್ಕಾರವು ಘೋಷಣೆ ಮಾಡಿದ್ದು. ನಮ್ಮದು ರಿಕವರಿ 11.85 ಇದ್ದು ನಮಗೂ ಹಳಿಯಾಳದ ಇ.ಐ.ಡಿ ಪ್ಯಾರಿ ಸಕ್ಕರೆ ಕಾರ್ಖಾನೆ ಬೆಲೆ ಮತ್ತು ರಾಜ್ಯ ಸರಕರಾರ ಬೆಂಬಲ ಬೆಲೆ ನೀಡಲು ಜಿಲ್ಲಾಧಿಕಾರಿಗಳು ಮತ್ತು ತಹಶೀಲ್ದಾರವರು ರೈತರಿಗೆ ಸಹಕಾರ ನೀಡಬೇಕಾಗಿ ನಿಮ್ಮಲ್ಲಿ ಅಗ್ರಹ ಪೂರಕವಾಗಿ ವಿನಂತಿ ಮಾಡಲಾಯಿತು.
ಈ ಈ ವಿಷಯವನ್ನು ಮಾಜಿ ಶಾಸಕರು ಭಾರತೀಯ ಜನತಾ ಪಾರ್ಟಿ ರಾಜ್ಯಾಧ್ಯಕ್ಷರಾದ ಸನ್ಮಾನ್ಯ ಶ್ರೀ ಬಿ ವೈ ವಿಜೇಂದ್ರ ರವರ ಗಮನಕ್ಕೆ ಸಹ ತಂದಿದ್ದು ಇದಕ್ಕೆ ರಾಜ್ಯಾಧ್ಯಕ್ಷರು ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿ ಎರಡು ಮೂರು ದಿನ ತಾವು ಬೇರೆ ಕೆಲಸದಲ್ಲಿ ನಿರತವಾಗಿರುವುದರಿಂದ ಎರಡು ಮೂರು ದಿನಗಳ ನಂತರ ಮಾನ್ಯ ಮುಖ್ಯಮಂತ್ರಿಗಳ ಬಳಿಗೆ ಹಳಿಯಾಳದ ರೈತರ ನಿಯೋಗವನ್ನು ಕರೆದುಕೊಂಡು ಹೋಗಿ ಈ ವಿಷಯದ ಬಗ್ಗೆ ಚರ್ಚಿಸಿ ರೈತರಿಗೆ ಸೂಕ್ತ ಕಬ್ಬಿನ ದರವನ್ನು ನೀಡಲು ಪ್ರಯತ್ನಿಸುತ್ತೇನೆ ಎಂದು ಆಶ್ವಾಸನೆ ನೀಡಿದರು.
ಈ ಸಂದರ್ಭದಲ್ಲಿ ರೈತ ಮೋರ್ಚಾ ಅಧ್ಯಕ್ಷರಾದ ಸೋನಪ್ಪಾ ಸುಣಕಾರ ಮಂಡಲ ಪ್ರಧಾನ ಕಾರ್ಯದರ್ಶಿಗಳಾದ ಸಂತೋಷ ಘಟಕಾಂಬಳೆ, ರೈತ ಮೋರ್ಚಾ ಜಿಲ್ಲಾ ಸದಸ್ಯರಾದ ನಾರಾಯಣ ಕೆಸರೆಕರ್
ಹಾಗೂ ಪಕ್ಷದ ಕಾರ್ಯಕರ್ತರು ಉಪಸ್ಥಿತರಿದ್ದರು.
