ದಾಂಡೇಲಿಯಲ್ಲಿ ಹನುಮ ಮಾಲಾಧಾರಣೆಗೆ ಚಾಲನೆ.

ದಾಂಡೇಲಿ :

ವಿಶ್ವಹಿಂದೂ ಪರಿಷತ್ ಮತ್ತು ಬಜರಂಗ ದಳದ ಆಶ್ರಯದಡಿ ಪ್ರತಿ ವರ್ಷದಂತೆ ಈ ವರ್ಷವೂ ನಗರದ ಸುಭಾಷ ನಗರದಲ್ಲಿರುವ ಶ್ರೀ ಪ್ರಸನ್ನ ಆಂಜನೇಯ ದೇವಸ್ಥಾನದಲ್ಲಿ ಮತ್ತು ಜೆ.ಎನ್.ರಸ್ತೆಯ ಶ್ರೀ ಮಾರುತಿ ಮಂದಿರದಲ್ಲಿ ಹನುಮ‌ ಮಾಲಾಧರಣೆಗೆ ಗುರುವಾರ ಚಾಲನೆಯನ್ನು ನೀಡಲಾಯಿತು.  ಶ್ರೀ ಪ್ರಸನ್ನ ಆಂಜನೇಯ ದೇವಸ್ಥಾನದಲ್ಲಿ 11 ಮತ್ತು ಜೆ.ಎನ್.ರಸ್ತೆಯ ಶ್ರೀ ಮಾರುತಿ ಮಂದಿರದಲ್ಲಿ 13 ಮಾಲಾಧಾರಿಗಳು ಹನುಮ‌ ಮಾಲಾಧಾರಣೆಯನ್ನು ಮಾಡಿಕೊಂಡರು.

ವಿಶೇಷ ಪೂಜಾ ಕಾರ್ಯಕ್ರಮಗಳೊಂದಿಗೆ ಮಾಲಾಧಾರಣೆಯನ್ನು ನೆರವೇರಿಸಲಾಯಿತು. ಈ ಸಂದರ್ಭದಲ್ಲಿ ವಿಶ್ವ ಹಿಂದೂ ಪರಿಷತ್ ಮತ್ತು ಬಜರಂಗದಳದ ಪ್ರಮುಖರು ಉಪಸ್ಥಿತರಿದ್ದರು.