ಗೋಕರ್ಣ :
ಇಲ್ಲಿಯ ಓಂ ಬೀಚನಲ್ಲಿ ನೀರಿನಲ್ಲಿ ಮುಳುಗುತ್ತಿದ್ದ ಸಾಗರ ಮೂಲದ ಓರ್ವ ಪ್ರವಾಸಿಗನನ್ನು ಗುರುವಾರ ಸಂಜೆ ಜೀವರಕ್ಷಕ ದಳದವರು ಪ್ರಾಣಾಪಾಯದಿಂದ ಪಾರು ಮಾಡಿದ್ದಾರೆ.
ವರುಣ ಸಾಗರ (23) ಎಂಬುವವರೇ ರಕ್ಷಿಸಲ್ಪಟ್ಟವರಾಗಿದ್ದಾರೆ. ಇವರು 3 ಜನ ಗೋಕರ್ಣ ಬ್ಯಾಂಕ ಕೆಲಸಕ್ಕಾಗಿ ಬಂದಿದ್ದು, ಸಂಜೆಯ ವೇಳೆ ಸಮುದ್ರದಲ್ಲಿ ಈಜಾಡುತ್ತಿರುವಾಗ ಅಲೆಯ ಸುಳಿಗೆ ಸಿಲುಕಿ ಮುಳುಗುವ ಹಂತದಲ್ಲಿದ್ದರು. ಕೂಡಲೇ ಇದನ್ನು ಗಮನಿಸಿದ ಜೀವ ರಕ್ಷಕ ಸಿಬ್ಬಂದಿ,ಮಂಜೇಶ ಹರಿಕಂತ್ರ, ಪ್ರಭಾಕರ ಅಂಬಿಗ, ಹಾಗೂ ಸ್ಥಳಿಯರ ಸಹಾಯದಿಂದ ದಡಕ್ಕೆ ತಂದು ಖಾಸಗಿ ಅಂಬುಲೆನ್ಸ ಮೂಲಕ ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆತಂದು ಡಾ. ಜಗದೀಶ ನಾಯ್ಕ ಸೂಕ್ತ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರ ಜಿಲ್ಲಾ ಆಸ್ಪತ್ರೆಗೆ ಕಳುಹಿಸಿ ಪ್ರಾಣ ಅಪಾಯಿಂದ ಪಾರು ಮಾಡಿದ್ದಾರೆ.
