ಕಾರವಾರ:
ತಾಲೂಕಿನ ಬಿಣಗಾ ಬಳಿ ಬಧವಾರ ಪಡಿತರ ಅಕ್ಕಿಯನ್ನು ಅಕ್ರಮವಾಗಿ ಸಾಗಿಸುತ್ತಿದ್ದ ವ್ಯಕ್ತಿಯು ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಅಧಿಕಾರಿಗಳನ್ನು ಕಂಡು ಆಟೋ ಬಿಟ್ಟು ಪರಾರಿಯಾಗಿದ್ದಾನೆ.
ಅಂಕೋಲಾ ತಾಲೂಕಿನ ಬಾವಿಕೇರಿ ಮೂಲದ ದಿನೇಶ ನಾರಾಯಣ ನಾಯ್ಕ ಆಟೋ ಚಾಲಕನಾಗಿದ್ದಾನೆ. ಆಹಾರ ಶಿರಸ್ತೇದಾರರಾದ ದೀಪಕ ಗಣಪತಿ ನಾಯ್ಕ ಹಾಗೂ ಸಿಬ್ಬಂದಿಯು ದಾಳಿನಡೆಸಿದ ವೇಳೆ ಆಟೋ ರಸ್ತೆಯಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾನೆ. ಆಟೋರಿಕ್ಷಾದಲ್ಲಿ ಒಟ್ಟೂ 544 ಕೆಜಿ 810 ಗ್ರಾಂ ಪಡಿತರ ಅಕ್ಕಿಯನ್ನು ಅನಧಿಕೃತವಾಗಿ ಸಂಗ್ರಹಿಸಿ ಸಾಗಿಸಲಾಗುತ್ತಿತ್ತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಈ ಅಕ್ಕಿಯ ಮಾರುಕಟ್ಟೆ ಮೌಲ್ಯ 18,519 ರೂ. ಇದ್ದು ಯಾವುದೇ ಪಾಸ್ ಅಥವಾ ಪಮರ್ನಿಟ್ ಇಲ್ಲದೆ ಸಾಗಿಸುತ್ತಿದ್ದ ಕಾರಣ ಕಾರವಾರ ಗ್ರಾಮಿಣ ಠಾಣೆಯಲ್ಲಿ ದೂರು ದಾಖಲಾಗಿದೆ.
