ದಾಂಡೇಲಿ : ತುರ್ತು ನಿರ್ವಹಣಾ ಕಾಮಗಾರಿ ಹಿನ್ನೆಲೆಯಲ್ಲಿ ನ.06 ರ ಶುಕ್ರವಾರ ಬೆಳಿಗ್ಗೆ 9:30 ರಿಂದ ಸಂಜೆ 6 ಗಂಟೆಯವರೆಗೆ ದಾಂಡೇಲಿ ಮತ್ತು ಜೋಯಿಡಾ ತಾಲೂಕಿನ ಹಲವೆಡೆ ವಿದ್ಯುತ್ ಸರಬರಾಜು ಸ್ಥಗಿತಗೊಳ್ಳಲಿದೆ ಎಂದು ಹೆಸ್ಕಾಂನ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರಾದ ದೀಪಕ ನಾಯಕ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅವರು ಬುಧವಾರ ಮಾಧ್ಯಮಕ್ಕೆ ನೀಡಿದ ಮಾಹಿತಿಯಲ್ಲಿ 11 ಕೆ.ವಿ ವಿದ್ಯುತ್ ಮಾರ್ಗಗಳ ತುರ್ತು ನಿರ್ವಹಣೆ ಕೈಗೊಳ್ಳಲಾಗುತ್ತಿದ್ದು, ಕಾಮಗಾರಿ ನಿಗದಿತ ಅವಧಿಗಿಂತ ಮುಂಚಿತವಾಗಿ ಪೂರ್ಣಗೊಂಡರೆ ವಿದ್ಯುತ್ ಮರು ಚಾಲನೆಗೊಳಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ದಾಂಡೇಲಿ ನಗರ ಶಾಖೆಯ 11 ಕೆ.ವಿ ವಿದ್ಯುತ್ ಮಾರ್ಗದ ವ್ಯಾಪ್ತಿಯ ನವನಗರ, ಗಾಂಧಿನಗರ, ಕೊಳಚೆ ಪ್ರದೇಶ, ಆಶ್ರಯ ಕಾಲೋನಿ ಮತ್ತು ಡಿ.ಎಫ್.ಎಫ್ ಕಾರ್ಖಾನೆ ಪ್ರದೇಶದಲ್ಲಿ ವಿದ್ಯುತ್ ಇರುವುದಿಲ್ಲ.
ಜೋಯಿಡಾ ಶಾಖೆಯ ಕುಂಬಾರವಾಡ ಅಣಶಿ ಫೀಡರ್ ವ್ಯಾಪ್ತಿಯ ಉಳವಿ, ಕೊಡ್ಸಳ್ಳಿ, ಶಿವಪುರ, ಚಿಲುಮೆ, ಹೆಬ್ಬಾಳ, ಗದ್ದೆಮನೆ, ನೇತುರ್ಗ ಮತ್ತು ಮಹಾಲೆಯಲ್ಲಿ ಹಾಗೂ ಜೋಯಿಡಾ ಗ್ರಾಮೀಣ ಶಾಖೆಯ ರಾಮನಗರ ಫೀಡರ್ ವ್ಯಾಪ್ತಿಯ ಜಗಲಬೇಟ್, ಶಿಂಗರಗಾಂವ್ ಪಂಚಾಯತ್ ವ್ಯಾಪ್ತಿಯ ಗ್ರಾಮಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ.
ರಾಮನಗರ ಶಾಖೆಯ ರಾಮನಗರ ಟೌನ್ ಫೀಡರ್ ವ್ಯಾಪ್ತಿಯ ಹಾರ್ಲಿ, ತಿನೈಘಾಟ್, ಪಾಯಸವಾಡಿ, ಬರಲಕೋಡ್, ಪಿರೆಗಾಣಲಿ ಮತ್ತು ಮಾರ್ಸಂಗಳ ಗ್ರಾಮಗಳಲ್ಲಿಯೂ ವಿದ್ಯುತ್ ಸ್ಥಗಿತಗೊಳ್ಳಲಿದೆ.
ಸಾರ್ವಜನಿಕರು ಸಹಕರಿಸಬೇಕೆಂದು ದೀಪಕ ನಾಯಕ ಅವರು ಕೋರಿದ್ದಾರೆ.
