ಡೆಂಗ್ಯುಗೆ ಬಲಿಯಾದ ಹರೆರಾಮ

ಮಾಜಿ ಶಾಸಕ ಉಮೇಶ ಭಟ್ಟ ಅವರ ಅಣ್ಣನ ಮೊಮ್ಮಗ ಹರೆರಾಮ ಭಟ್ಟ ಬಾವಿಕೇರಿ ಡೆಂಗ್ಯು ಜ್ವರಕ್ಕೆ ಬಲಿಯಾಗಿದ್ದಾರೆ.
`ಲೋಕಧ್ವನಿ\’ ಪತ್ರಿಕೆ ಉಮೇಶ ಭಟ್ಟ ಅವರ ಮಾಲಕತ್ವದಲ್ಲಿದ್ದಾಗ ಅದರ ಉಸ್ತುವಾರಿಯನ್ನು ಹರೆರಾಮ ಭಟ್ಟ ನೋಡಿಕೊಳ್ಳುತ್ತಿದ್ದರು. ಅವರು ಅಂಕೋಲಾದಲ್ಲಿ ವಾಸವಾಗಿದ್ದರು.  ಪ್ರಸ್ತುತ ಅವರ ತಾಯಿ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಕಳೆದ 1 ತಿಂಗಳಿನಿoದ ಡೆಂಗ್ಯು ಜ್ವರದಿಂದ ಬಳಲುತ್ತಿದ್ದ ಹರೆರಾಮ ಭಟ್ಟ ಅವರು ಅಂಕೋಲಾದಲ್ಲಿ ಚಿಕಿತ್ಸೆ ಪಡೆದು, ಹೆಚ್ಚಿನ ಚಿಕಿತ್ಸೆಗೆ ಬೆಳಗಾವಿಯ ಆಸ್ಪತ್ರೆಗೆ ದಾಖಲಾಗಿದ್ದರು. ಸೋಮವಾರ ಸಂಜೆ ಅವರ ಮೆದುಳು ನಿಷ್ಕಿಯಗೊಂಡಿದ್ದು, ಗುರುವಾರ ಬೆಳಗ್ಗೆ ಇಹಲೋಕ ತ್ಯಜಿಸಿದ್ದಾರೆ. ಯಲ್ಲಾಪುರ ತಾಲೂಕಿನ ಬಿದ್ರೆಮನೆಯ ಮೈತ್ರಿ ಎಂಬಾತರನ್ನು ಅವರು ವರಿಸಿದ್ದು, ಪುಟ್ಟ ಮಗುವನ್ನು ಅಗಲಿದ್ದಾರೆ.