ಯಲ್ಲಾಪುರ: `3 ತಿಂಗಳ ಅವಧಿಗೆ ಮೊಬೈಲ್ ರಿಚಾರ್ಜ ಮಾಡಿಸಿದ್ದು, ರಿಚಾರ್ಜ ಮಾಡಿದ ನಂತರ ಜಿಯೋ ನೆಟ್‌ವರ್ಕ ಸರಿಯಾಗಿ ಸಿಗುತ್ತಿಲ್ಲ\’ ಎಂದು ಆರೋಪಿಸಿರುವ ಪಟ್ಟಣ ಪಂಚಾಯತ ಸದಸ್ಯ ಸೋಮೇಶ್ವರ ನಾಯ್ಕ ಈ ಬಗ್ಗೆ ಪೊಲೀಸರಿಗೆ ದೂರು ಕೊಟ್ಟಿದ್ದಾರೆ.
`ರವೀಂದ್ರ ನಗರದಲ್ಲಿ ಜಿಯೋ ಟವರ್ ಇದ್ದು, ಅಲ್ಲಿಂದ 200ಮೀ ದೂರದಲ್ಲಿ ನೆಟ್‌ವರ್ಕ ಸರಿಯಿಲ್ಲ. ಈ ಬಗ್ಗೆ 4 ಬಾರಿ ಕಚೇರಿಗೆ ಮಾಹಿತಿ ನೀಡಿದರೂ ಸರಿಪಡಿಸಿಲ್ಲ. ಸ್ಥಳೀಯವಾಗಿ ನಿರ್ವಹಣೆ ಹೊಣೆ ಹೊತ್ತವರು ವಿದ್ಯುತ್ ಇಲ್ಲದಿರುವಾಗ ಜನರೇಟರ್\’ನ್ನು ಬಳಸದೇ ಕಂಜೂಸ್ ಬುದ್ದಿ ಪ್ರದರ್ಶಿಸುತ್ತಿದ್ದಾರೆ\’ ಎಂದು ದೂರಿದರು.
`ಜಡ್ಡಿ, ಕಾಳಮ್ಮನಗರ ಪ್ರದೇಶದಲ್ಲಿ ಸಹ ಇದೇ ಸಮಸ್ಯೆಯಿದೆ. ಅಲ್ಲಿನ ಜನರೂ ಈ ಬಗ್ಗೆ ದೂರಿದ್ದಾರೆ. 3 ತಿಂಗಳ ಅವಧಿಗೆ 900ರೂ ಹಣ ಪಡೆಯುವ ಜಿಯೋ ಸರಿಯಾದ ಸೇವೆ ನೀಡುತ್ತಿಲ್ಲ\’ ಎಂದು ಆರೋಪಿಸಿದರು. ದೂರು ಸ್ವೀಕರಿಸಿದ ಪೊಲೀಸರು ಗ್ರಾಹಕರ ಸೇವೆಯಲ್ಲಿ ನ್ಯೂನ್ಯತೆ ಒದಗಿಸದಂತೆ ಜಿಯೋ ಕಂಪನಿ ಪ್ರತಿನಿಧಿಗೆ ಬುದ್ದಿಮಾತು ಹೇಳುವುದಾಗಿ ಭರವಸೆ ನೀಡಿದರು.
You cannot copy content of this page