ಜೋಯಿಡಾ:
ಇಲ್ಲಿನ ಗಣೇಶಗುಡಿ ಘಾಟ್ ರಸ್ತೆಯಲ್ಲಿ ಬಿಟಿಮಿನ್ ಲಾರಿಯಿಂದಾದ ಟ್ರಾಫಿಕ್ ತೊಂದರೆಗೆ 13 ಗಂಟೆಗಳ ಬಳಿಕ ಮಿಕ್ತಿ ಸಿಕ್ಕಿದೆ.
ಬಿಟುಮಿನ್ ತುಂಬಿಕೊಂಡಿದ್ದ ಭಾರೀ ಲಾರಿಯು ತಿರುವು ಒಂದರಲ್ಲಿ ಸಿಕ್ಕಿಕೊಂಡ‌ಕಾರಣ ರಸ್ತೆಯ ಎರಡೂ ಬದಿಯಲ್ಲಿ ಟ್ರಾಫಿಕ್ ಸಮಸ್ಯೆ ಉಂಟಾಗಿತ್ತು. ಪ್ರವಾಸಿಗರ ಕಾರುಗಳು, ಬಸ್ಸುಗಳು, ಸರಕು ವಾಹನಗಳು ಸೇರಿದಂತೆ ನೂರಾರು ವಾಹನಗಳು ಎರಡೂ ದಿಕ್ಕುಗಳಲ್ಲಿ ಸಿಲುಕಿಕೊಂಡಿದ್ದವು.
ಇಳಿಜಾರು ಲಾರಿ ಸಿಲಿಕಿದ್ದ ಕಾರಣ ಬಿಟುಮಿನ್ ಸೋರಿಕೆಯ ಸಾಧ್ಯತೆ ಇತ್ತು. ಅಲ್ಲದೇ ರಾತ್ರಿ ವೇಳೆ ಘಟನೆ ನಡೆದ ಕಾರಣ ಕಾರ್ಯಾಚರಣೆಯೂ ಸಾಧ್ಯವಾಗಿಲ್ಲ. ಸ್ಥಳೀಯ ಪೊಲೀಸ್, ಹೆದ್ದಾರಿ ಅಧಿಕಾರಿಗಳು ಮತ್ತು ಕ್ರೇನ್ ಚಾಲಕರು ಹೆಚ್ಚುವರಿ ಸಾಧನಗಳನ್ನು ವ್ಯವಸ್ಥೆ ಮಾಡಲು ಇಡೀ ರಾತ್ರಿ ಕಾರ್ಯನಿರ್ವಹಿಸಿದರು. ಬೆಳಕು ಮೂಡಿದ ನಂತರ ಕ್ಲಿಯರೆನ್ಸ್ ಕಾರ್ಯಾಚರಣೆ ಪುನರಾರಂಭವಾಗಿ, ಇಂದು ಬೆಳಿಗ್ಗೆ ಸುಮಾರು 9:30ಕ್ಕೆ ಲಾರಿಯನ್ನು ಯಶಸ್ವಿಯಾಗಿ ರಸ್ತೆಗಿಂತಲೂ ಕಡೆಯಕ್ಕೆ ಸರಿಸಲಾಯಿತು. ಇದರಿಂದ 13 ಗಂಟೆಗಳ ಸಂಕಷ್ಟಕ್ಕೆ ತೆರೆ ಬಿತ್ತು. ಎರಡೂ ದಿಕ್ಕುಗಳಲ್ಲಿ ವಾಹನ ಸಂಚಾರ ಪುನರ್ ಆರಂಭವಾಗಿದೆ.
