ಕಾರವಾರ :
ನಗರದ ಕಲಾ ಮತ್ತು ವಿಜ್ಞಾನ ಪದವಿ ಕಾಲೇಜಿನ ಆವರಣದಲ್ಲಿ ಶನಿವಾರ ಸಂಜೆ ಕಸದ ರಾಶಿಗೆ ಆಕಸ್ಮಿಕವಾಗಿ ಬೆಂಕಿ ತಗಿಲಿದ್ದು ಕೆಲ ಕಾಲ ಆತಂಕದ ವಾತಾವರಣ ಸೃಷ್ಠಿಯಾಗಿತ್ತು.
ಈಚೆಗೆ ಕಾಲೇಜಿನ ಆವರಣದಲ್ಲಿದ್ದ ಮರವೊಂದರ ರೆಂಬೆಗಳನ್ನು ಕತ್ತರಿಸಿ ರಾಶಿ ಹಾಕಲಾಗಿತ್ತು. ಶನಿವಾರ ಸಂಜೆ 7 ಗಂಟೆಯ ಹೊತ್ತಿಗೆ ಒಣಗಿದ ಎಲೆಗಳು ಹಾಗೂ ಕಸವಿದ್ದ ರಾಶಿಯಲ್ಲಿ ಬೆಂಕಿ ಕಾಣಿಸಿದೆ. ರಾತ್ರಿ ಪಾಳಿಯ ಕಾವಲು ಸಿಬ್ಬಂದಿ ಬಕೇಟ್ ನಿಂದ ನೀರು ಎರಚಿ ಬೆಂಕಿ ನಂದಿಸಲು ಪ್ರತ್ನಿಸಿದರೂ ಸಾಧ್ಯವಾಗಿಲ್ಲ. ಕ್ಷಣಾರ್ಧದಲ್ಲಿ ಬೆಂಕಿಯು ಕಾಲೇಜಿನ ಕಟ್ಟಡದಷ್ಟು ಎತ್ತರ ಹಬ್ಬಿದ್ದು ನಿಯಂತ್ರಣಕ್ಕೆ ಸಿಗಲಿಲ್ಲ. ಕಟ್ಟಿಗೆಯ ಪಕಾಸಿ ಹಾಗೂ ಜಂತಿಗಳಿದ್ದ ಹಳೆಯ ಕಟ್ಟಡಕ್ಕೆ ಬೆಂಕಿ ತಗಲುವ ಭೀತಿ ಎದುರಾಗಿತ್ತು. ತಕ್ಷಣ ಸ್ಥಳೀಯರು ಅಗ್ನಿಶಾಮಕ ದಳದ ಸಿಬ್ಬಂದಿಗೆ ಕರೆ ಮಾಡಿದ ಹಿನ್ನಲೆ ಸ್ಥಳಕ್ಕೆ ಆಗಮಿಸಿದ ಸಿಬ್ಬಂದಿಯು ಬೆಂಕಿ ನಂದಿಸಿದರು.
